Просветниот инспекторат не увидел недоследности во образовно- научното унапредување на државните функционери Арбер Адеми и Агим Нухиу, пишува во извештајот од вонредната инспекција кој ја спровел лично директорот Томе Спировски, објави Алсат-М.
Оттаму се оградија од инспектор Ѓорѓи Илиевски, кој тврдеше дека има прекршување на процедурите кога Тетовскиот универзитет го назначил Адеми за доцент, а Нухиу за вонреден професор.
За случајот на унапредувањето на Адеми во доцент, во текот на времето кога бил државен функционер, од Инспекторатот велат:
„Тука не се работи за мирување и продолжување на рокот на огласот, туку за фактичка состојба во која кандидатот по докторската дисертација ги исполнува условите за доцент, што е нормално напредување во високото образование, унапредување кое не се врши според предвидени рокови, туку според докторската дисертација и исполнувањето на условите за станување доцент“.
ПОВРЗАНИ ВЕСТИ