Денеска на штандот на ТРИ, со почеток од 18 ч., се среќаваме со Џаро заедно со новинарката Милица Џаровска, која е автор на биографијата „Живот на коцка“.
Македонското издание на оваа биографија неодамна пристигна во ТРИ. Пред да ги читаме животните ситуации што го направија Џаро она што е, ќе имаме можност да се видиме со него и со Милица Џаровска, да си земеме потпишан примерок, да го прашаме она што нè интересира.
Организатор на над 5.000 концерти, промотор на безброј пејачи и фудбалери на кои им помогна да го достигнат врвот во кариерата, бестрашен прекршувач на законот со 135 лажирани натпревари…
Специфичниот карактер и остриот ум го соочија со најразлични перипетии. Секогаш во центарот на вниманието поради различни згоди и скандали, тој остана крал на југословенската естрадна и спортска сцена дури и по нејзиното распаѓање. Во оваа книга за неговиот бурен живот ќе пронајдете многу вистини.
Токму затоа ве очекуваме на штандот на ТРИ. Запознајте го и вие човекот што е белег на едно време што ќе остане вечно запаметено. Нека не ви раскажуваат – откријте сами денес на најголемиот настан за сите читатели – Саемот на книгата.
Промотивна објава