Асоцијацијата на спортски обложувалници на Македонија (АСОМ) информира дека согласно одлуката на Владата донесена на 5 април на 63-та седница, во перидот од 7 до 20 април уплатно-исплатните места, односно деловните објекти на спортските обложувалници ќе работат само преку шалтерски систем.
„Поконкретно, со одлуката на Владата приемот на посетителите и работата на спортските обложувалници ќе биде исклучиво преку вршење на шалтерска услуга, а согласно истата, делот за угостителски услуги, шанковите во спортските обложувалници воопшто нема да
работат.
Асоцијацијата на спортски обложувалници на Македонија ја следи состојбата со коронавирусот и целосно ги почитува протоколите за работа, како и одлуките на Владата за превенција од понатамошно ширење на вирусот.
Асоцијацијата апелира до своите играчи во целост да се придржуваат до мерките за заштита од Ковид-19,“ се вели во соопштението на АСОМ.
ПОВРЗАНИ ВЕСТИ
Се затвораат и обложувалници, фитнес салите, се забранува одржување семинари, обуки, работилници…
Фото: Photo by Keenan Constance on Unsplash