Аутомакедонија АД Скопје во првите три месеци од годинава остварил поединечна нето добивка од 5,1 милиони денари, која е поголема за 4% од остварената истиот период лани, соопшти Друштвото преку Македонската берза.
Оперативни приходи изнесуваат 113,7 милиони денари, и истите бележат раст од 2%, споредено со лани.
-Растот е резултат на зголемен обем на продажба на возила на домашниот пазар, велат од таму.
Оперативните расходи изнесуваат 107,3 милиони денари и бележат намалување од 2%.
-Трошоците за вработени се намалени за околу 27%, додека материјалните и услужните трошоци исто така бележат намалување. Набавната вредност на трговските стоки бележи благо зголемување како резултат на повисокиот обем на продажба, велат од таму.
Оперативната добивка изнесува 6,5 милиони денари, и истата бележи раст од над 150%.
ПОВРЗАНИ ВЕСТИ
Аутомакедонија ќе продава 4.980 сопствени акции
Аутомакедонија ќе продава имот во Белград
Аутомакедонија лани со зголемена добивка
