Од вечерва на полноќ цената на бензинот Еуросупер БС-95, се намалува за 2,50 денари, а на бензинот Еуросупер БС-98, за 3 денари, одлучи денеска Регулаторната комисија за енергетика, водени услуги и услуги за управување со комунален отпад (РКЕ).
Новата цена бензинот Еуросупер БС-95 ќе биде 84 денари за литар, а на бензинот Еуросупер БС-98, 85,50 денари за литар.
Цената на Еуродизелот, останува иста, и тој и понатаму ќе се продава за 95,50 денари за литар.
Цената на Екстра лесното масло за домаќинствата (ЕЛ-1) се зголемува за 0,50 денари и тоа ќе се продава за цена од 92,50 денари за литар
Цената на мазутот поевтинува за 0,663 денари и ќе изнесува 50,410 денари за килограм.
Фото: Унсплеш
