Претседателот на Регулаторната комисија за енергетика, Марко Бислимоски изјави дека како регулаторно тело ги презеле сите мерки за заштита на електроенергетскиот систем и дека постапката за одземање на лиценцата на „У пауер“ е почната откако е добиен допис од МЕПСО за злоупотреба на балансираната енергија за комерцијални цели.
– Преземавме мерки за да го заштитиме електроенергетскиот систем. Кон таков чекор се одлучивме откако МЕПСО ни испрати допис и алармираше за „У пауер“. Во август и половина на септември биле користени овие резерви за комерцијални потреби, истакна Бислимоски на гостувањето во централниот дневник на телевизија „Сител“.
Посочи дека доколку се злоупотребат резервите и наместо да се балансира системот, тие се користат за комерцијални цели, тогаш би бил загрозен енергетскиот сектор.
Инцидентот во кој беше нападнат, како што рече, нема да го поколеба да работи исклучиво согласно законот.
ПОВРЗАНИ ВЕСТИ
Синот на Муса Џафери не му се извинил на Бислимоски, велат од РКЕ
Кривична пријава против синот на Муса Џафери кој физички го нападна претседателот на РКЕ, Бислимоски
МИА/Фото: МИА