Грчката компанија Retail & More AE, дел од AVE групата планира експанзија и аквизиции (преземања) на Балканот објави српскиот портал retailserbia.com.
Компанијата неодамна склучила договор со Carrefour групата и ја добила франшизата за Србија, Македонија, Албанија и Косово.
Лани Retail & More AE ја добила и франшизата за Бугарија, во која неодамна го отворила и првиот супермаркет.
Според порталот, неофицијално, грчката компанија планира преземања на мали и средни маркети на Балканот, а планира и да ја зајакне својата позиција и во Грција.
Во 2016 година во скопскиот трговски центар Сити Мол беше затворен единствениот маркет на Carrefour во Македонија. Носител на франшизата беше ЦМБ Балканс Скопје ДООЕЛ, а сопственик грчката компанија Маринопулос, која ги купи Carrefour маркетите во Грција.
Фото: Унсплеш