Кандидатката за градоначалник на Скопје, Данела Арсовска, а која е подржана од ВМРО-ДПМНЕ, за телевизијата ТВ 24 изјави дека е разочарана од тврдењето на СДСМ дека има бугарско државјанство.
-Разочарана сум, како не им е срам да излегуваат со овие небулози? Срамотно е ова да го направат на два дена од крајот на кампањата. Јас немам ниту една дамка, а на некои им гори под нозете, рече таа.
На дополнително прашање дали демантира дека има бугарско државјанство таа одговори:
„Да точно така. Но мора да ми верувате. Ако јас како човек секој еден ден сите небулози и сите лаги и сите напади кои ги имаше врз мене како човек, како професионалец, врз моето семејство, се доведував во прашање да ги дискутирам јас во оваа кампања, ќе дискутирав само во функција да се бранам наместо да презентирам проекти“, рече таа и дополни:
„Се до сега што кажаа од почеток до крај во оваа кампања граѓаните треба да знаат дека се е лага“.
ПОВРЗАНИ ВЕСТИ
ВМРО-ДПМНЕ: СДСМ дрско лаже и манипулира за наводен бугарски пасош на Данела Арсовска
Фото: ССК