Министерот за здравство Венко Филипче информираше дека денеска ќе пристигнат 38.000 вакцини „АстраЗенека“ преку КОВАКС механизмот, а утре 100.000 кинески вакцини „Синофарм“, донација од кинеската армија.
Со вакцините на „АстраЗенека“ ќе се вакцинираат 10.000 новоријавени граѓани на возраст над 70 години, а 24.000 ќе се употребат за ревакцинација на истата возрасна група.
Во Македонија се останува на ставот дека вакцината на „АстраЗенека“ нема да се дава на лица под 60 години.
Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.