еМагазин
Image default
Бизнис

Дождот добредојден за земјоделството

Бранот врнежи што ја зафати Македонија е добредојден за земјоделските култури. Според агрометеоролозите, недостигаше влага во површинскиот слој на почвата особено поради топлото време изминатиов период.

Појава на болести и штетници не се очекува зашто скоро сите култури се во фаза на поодминат развој, во фаза на зреење.

„Имавме две-три недели вистинско лето, со високи температури. Затоа, дождот е добредојден особено за овошките кои во втората половина од август ги формираат цветните папки за наредната година. Токму сега треба да имаат достап на вода, вели за МИА Ангелко Ангелески од УХМР.

Тој им порачува на земјоделците да ги наводнуваат овошките ако не падне доволно дожд со оглед дека, според прогнозите, времето од среда повтовро ќе се стабилизира и ќе биде топло.

„Во лозарствто бараните сорти веќе се берат, производството стаса порано 10 – 12 дена. Дождот нема да влијае врз содржината на шеќерите кои кај овошките и грозјето беа ниски, но претходниов период се концентрираа“, објаснува Ангелески.

Житото, дополнува, е собрано, а оризот е во фаза на зреење, зрното е налеано, па и тука влагата нема да има големо влијание.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Кај една третина тендери дискриминаторски услови за учество на компаниите

Никола Осило

Раст на долгот на граѓаните и фирмите на новата Листа на должници на УЈП

Редакција

Комерцијална банка за три месеци оствари добивка од 7 милиони евра

Никола Осило