Идниот премиер на Унгарија, Петер Маѓар, најави екстрадиција од Будимпешта на поранешниот премиер и лидер на ВМРО-ДПМНЕ, Никола Груевски, кој избега од Македонија во ноември 2018 година и таму доби политички азил.
ПОВРЗАНИ ВЕСТИ
Кој е Петер Маѓар, кој го собори Виктор Орбан
Маѓар тоа го најави вчера на прес-конференција по убедливата победа на парламентарните избори, на која меѓу друго беше прашан за судбината на бегалците Збигњев Жибро, поранешен министер за правда на Полска и поранешниот заменик за правда, Марцин Романовски, кои како и Груевски од Полска избегаа во Унгарија каде добија азил, а се бараат и со меѓународна потерница.
ПОВРЗАНИ ВЕСТИ
Како избега Груевски, за кого Унгарија најавува екстрадиција
Тој рече дека неговата земја немало повеќе да биде депонија на странски криминалци кои добиле азил, а Груевски сам го спомна.
-Унгарија нема да биде депонија за странски криминалци. И тоа не се однесува само на нив, туку и на Никола Груевски, поранешен претседател на Владата на Северна Македонија, кој, исто така, е престапник, рече тој меѓу друго.
Унгарија досега неколку пати одби екстрадиција на Груевски, кој во Македонија се гони/гонеше за неколку кривични дела за кои е осуден. Дел од нив застареа.
ПОВРЗАНИ ВЕСТИ
Како работи фирмата на Груевски во Унгарија
Еден од становите на Груевски го купил бизнисмен од Гевгелија
Фото: Груевски/Фејсбук
