Во првите девет месеци од годинава Факом АД Скопје оствари позитивен финансиски резултат во износ од 115.000 денари или за 20% помал во однос на добивката за истиот период од 2022 година која изнесуваше 142.681 денари, информираат од Друштвото преку Македонската берза.
-Во структурата на приходите од продажба најголемо учество со 52% имаат приходите од продажба на домашен пазар, кои во споредба со остварените во 2022 година бележат пораст од 178%, додека приходите од продажба на странски пазар учествуваат со 48% и се помали за 52% во споредба со истите во 2022 година.
Вкупните оперативни приходи во периодот 01.01 – 30.09.2023 се намалени за 17% во однос на 2022 година, како резултат на зголеменото намалување на приходи од странство и останатите оперативни приходи, а финансиските приходи се намалени за 3% по основ на намалени приходи од позитивни курсни разлики од работењето.
Вкупните приходи за 01.01- 30.09.2023 година се намалени за 17% во однос на истиот период за 2022 година.
Во овој период оперативните расходи се намалени за 18% во однос на истиот период 2022 година.
Намалувањето на расходите се должи пред се на намалените трошоци за суровини и материјали, додека услугите со карактер на материјални трошоци се зголемени како резултат на зголемените трошоци од ангажирање на надворешни работници и зголемено тековно одржување.
Финансиските расходи се зголемни за 81%, како резултат на зголемените расходи од камати од кредити. Вкупните расходи за 01.01- 30.09.2023 година се намалени за 17% во однос на истиот период за 2022 година, велат од таму.
ПОВРЗАНИ ВЕСТИ
Факом во првото полугодие со намалена добивка
ЕСМ склучи договор со Факом, вреден 3,4 милиони евра