Планинарскиот дом Папрадиште со очајнички апел до Центарот за управување со кризи (ЦУК), како и до сите луѓе на позиици кои на било кој начин можат да помогнат.
„Гори еден од најубавите предели на Балканот. Реонот помеѓу Горна и Долна Бабина дупка под Солунска Глава над велелепните извори на Бабуна.
Она што со денови беше како што го нарекуваа надлежните „мал„ пожар на непристапен терен се прошири на пристапните рамници на Солунско поле и поради непредвидливоста на пожарот може да се прошири кон висококвалитетната борова и букова шума кон Долна Бабина дупка.
Неколку километри југозападно од ова место десеттина денови гори висококвалитетна борова шума во Поречието во близина на Белица, Македонски Брод. И двата пожари се оставени сами на себе,“ се вели во апелот.
