Македонските „Анонимуси“ се топ-тема и на Балканот.
Голем број на српски медиуми ја пренесоа информацијата дека тие ги хакираа сајтовите на пејачките со косовско потекло, Дуа Липа и Рита Ора.
Па така на пример rs.n1info.com објави информација со наслов: „Македонските хакери ги срушија сајтовите на Дуа Липа и Рита Ора“.
Српски „Блиц“ пишува: „Стигна одмазда: Македонските хакери го срушија сајтот на Дуа Липа, па на светот се обратија: „Косово е поставено на сите мапи, како дел од Србија“ и тоа не е крај“.
„Мондо“ информира со наслов: „Срушени сајтовите на косовските пејачки, но не ги хакирале Срби, изненадување“.
Радио телевизија Црна Гора исто така ја пренесе информацијата дека македонските хакери ги урнаа сајтовите на Ора и Липа, а ги пренесоа и твитовите со нивната порака.
Речиси сите потсетуваат и на причината за хакирањето, кое следеше откако пејачката Липа на социјалните мрежи сподели карта на т.н. “Голема Албанија“ и предизвика гнев на Балканот.
ПОВРЗАНИ ВЕСТИ
На Дуа Липа не и е лут само Балканот, ќе трпи ли нејзината кариера?
Дуа Липа објави карта на „Голема Албанија„ и ги навреди Македонците, Србите, Црногорците и Грците