Ресторан FOUR уште еднаш се погрижи да го понуди најдоброто за своите посетители и да ги воодушеви со големиот избор на специјалитети, проширувајќи ја својата понуда со автентични италијански деликатеси.
Мастер-шефот на ресторанот, Елефтерис Далагиоргос, овој пат нè носи на едно незаборавно гастрономско патување во Италија, каде што ќе уживаме во разновидната и неверојатно вкусна кујна на оваа посебна земја.
Италија е синоним за одлична храна и е една од најпопуларните кујни во светот. Подготвени по традиционални рецепти сите кои престојуваат во Скопје во месец октомври ќе имаат можност да уживаат во вкусот на италијанска салата со свежи домати, шпагети “Ала Путанеска”, рижото “Ал Аматрициана”, рижото “Примавера”, популарните италијански таљатели со вргањ и масло од тартуфи, пилешко “Ала Карбонара”, а за десерт вкусната италијанска чоколадна торта со сладолед од ванила.
За искуството да биде целосно, ресторанот одвои внимателно одбрани италијански вина кои совршено ги надополнуваат овие деликатеси.
Ги покануваме сите вљубеници во префинетиот италијански вкус, да ги пробаат кулинарските специјалитети подготвени од рацете на врвните шефови на ресторанот FOUR.
