Синоќа, на сцената на Центарот за култура, битолската публика и гости од други градови со многу аплаузи, овации и враќања на сцена го наградија Иван Босиљчиќ.
Тој е славен актер кој освен што глуми, пее, рецитира поезија, а вчера докажа дека е миленик на жените од целиот регион.
Роден е 1979 година во Ужице, најпознат е по улогите „Рањени орао“, „Грех њене мајке“, „Непобедиво срце“ и „Ургентни центар“, а е во брак со пејачката Јелена Томашевиќ. Тој во последните години се проби и на рускиот пазар каде има одлична кариера.
Синоќа настапи и со поезија и музика, а вечерта со Босиљчиќ, кој повеќе од деценија доминира на ТВ екраните, на филмското платно и на театарските сцени, интернационално, долго ќе се памети.
Тој со голем успех ги претставува и своите авторски проекти за љубителите на поезијата и музиката, а синоќа докажа дека умее да направи совршен спој во уметничка вечер која донесе возбудување на драмска претстава, но и на врвен музички настан, посебен и ретко виден на нашите простори.
Центарот за култура овој настан го распродаде за само неколку часови.
Фото: Диоген Хаџи Коста Милевски