Во рамки на настан на Центристричката демократска интернационала (CDI-IDC) што се одржува во Блед, Словенија, лидерот на ВМРО-ДПМНЕ, Христијан Мицкоски се сретнал и со премиерот на Унгарија и лидер на ФИДЕШ, Виктор Орбан, информираа од партијата.
-Разговаравме за регионот и прашања поврзани во интеграциите на Македонија во ЕУ.
Ја потенциравме потребата од економска соработка и борбата против корупцијата и криминалот како регионален предизвик.
Со премиерот на Унгарија, Виктор Орбан договоривме заедничка соработка на тимови на ВМРО-ДПМНЕ и ФИДЕШ за размена на искуства и поддршка во процесот на изработка на изборната програма за престојните избори.
Се заблагодарив на поддршката на Унгарија која ја добиваме во насока на остварување на стратешките интереси на Македонија, напиша Мицкоски на Фејсбук.
Во Блед, Мицкоски имал средба и со хрватскиот премиер и лидер на ХДЗ, Андреј Пленковиќ.
Фото: Мицкоски/Фејсбук