еМагазин
Image default
Македонија ТОП СТОРИИ

„Фридом хаус“: Македонија забележала демократски напредок, но и силна политичка поларизација

Во најновиот извештај „Нации во транзиција“ на „Фридом Хаус“ се посочува дека Македонија забележала демократски напредок изминатата година, но се нотира и силна политичка поларизација.

Во извештајот се мери демократскиот напредок на државите во транзиција за период од една година.

Македонија добила оценка 3.86 за демократски прогрес, а во претходниот извештај оваа оценка била 3.82. Во категоријата национално демократско владеење државата добила оценка 3.50, за изборен процес 4.50, за граѓанско општество 4.75, за независни медиуми 3.50, за локално демократско управување 4.25, за судска рамка и независност 3.25, додека за корупција била оценета со 3.25.

Во извештајот е наведено дека во Македонија се нотира силна политичка поларизација и парламентарните блокади, го попречиле усвојувањето на законодавството на национално ниво, но оти прогресот на локалните власти во однос на транспарентноста, граѓанското учество и меѓуопштинската соработка, имал забележително позитивно влијание врз демократијата и исполнувањето на јавни услуги.

Земјите од Западен Балкан искажале разочарување во однос на пристапувањето во Европската Унија.

– Граѓаните на Западен Балкан се чувствуваат напуштени од домашните елити кои се спротивставуваат на демократските реформи и од меѓународните елити кои немаат решеност да го следат процесот на пристапување, пишува во извештајот.

Демократските институции на Западен Балкан продолжиле да слабеат во 2022 година, со скромни подобрувања во Македонија, Албанија и во Косово.

Од земјите во Западен Балкан, Македонија е најдобро рангирана. Србија го дели второто место на Западен Балкан со Црна Гора и Албанија.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Во Скопје се одржа третата Парада на гордоста

Редакција

Четири лица приведени под сомнение дека го предизвикале пожарот во Велешко

Редакција

Спорни биле само 200, а не над 400 уверенија од Штуловиот универзитет: Беџети контра Антикорупциска

Редакција