Во срцето на Јанче во мијачкиот крај, хотел Туто се издига над реката Радика, овозможувајќи прекрасен поглед кон селото и околните планини.
Одличен избор за викенд дестинација, имајќи предвид дека надвор од сезона, работи само петок, сабота и недела.
Прекрасната тераса за која вреди да се дојде на лето, овој период од годината е затворена, но не помалку е убав и ресторанот.
Направен од камен и дрво, каминот му дава топлина, преточен во амбиентот кој што го красат безброј детали, кои потсетуваат на некои подзаборавени времиња.
Храната е традиционална со голем избор на јадења, кои вреди да се вкусат. Наша препорака е питата со компир, парче сирење и кисело млеко, но за сечиј вкус има по нешто.
Доколку се сместите во хотел Туто, во околината има многу места за посета, во близина е водопадот Дуф кој што се наоѓа на влезот на селото Ростуше, кое е оддалечено на само неколку километри од село Јанче, во близина е и живописната Жировница, тука се и манастирите Св.Јован Крстител и Св. Ѓоргија во Рајчица, а за планинарите постои пат кој од село Јанче води кон Галичник.
И никаде на друго место нема да најдете, толкав голем број на автомобили „фиќо“, симболот на животот од некое друго време.
Фото: emagazin.mk