Модната индустрија се уште се наоѓа во прилично тешки услови поради пандемијата и воената состојба во Украина. Оттука, тешко и со многу напор моделите се одлучуваат да заминат и да работат на интернационалните пазари. Но, и во вака тешки услови и отежнати патувања многу модели веќе заминаа во различни земји.
„Во моментов нашиот најуспешен топ модел Елена Реи се наоѓа во Кина поточно во градот Гуангжоу каде има фотографирање за нова кампања, но само пред две недели беше во Сеул – Јужна Кореја каде фотографираше и снимаше за престижниот моден магазин Shinsegae.
Токму за овој едиторијал Елена носеше комплетни стајлинзи на Lee Yoonkyung, трендовски комбинации на врвните брендови како Tom Ford, Miu Miu & Gucci.
Нејзиниот престој во Сеул и донесе и голема модна кампања за раскошниот накит на Chopard. После долгата пауза заради ковид-пандемијата, Реи сега повторно ги освојува светските модни центри,“ изјавија од нејзината матична агенција Моделс ИН Менаџмент.