Пандемијата која ја предизвика коронавирусот и војната во Украина ги тресат глобалните синџири на снабдување, вели Патрик Мартенс, директор на Делегацијата на германското стопанство во Македонија.
Како резултат на овие случувања, тешко е да се најдат алтернативи за компании-добавувачи во Европа. Како опција се нудат земјите од Западен Балкан.
„Поради војната во Украина, мошне актуелна е темата пронаоѓање на компании-добавувачи за синџирите на снабдување кои се лоцирани на Западен Балкан.
За германските компании-купувачи се нудат можности за пронаоѓање на компании-добавувачи на Западен Балкан, бидејќи регионот географски се наоѓа пред портата на Германија.
На 30 јуни ќе бидам во Нирнберг заедно со моите колеги Амра Шурковиќ од Делегацијата на германското стопанство во Босна и Херцеговина и Коста Јовиќ од Германската комора во Србија.
Пред компании од покраината Франконија во Индустриската и трговската комора на Нирнберг ќе ги презентираме можностите кои ги нудат нашите пазари,“ вели Мартенс.
Фото: Unsplash