Хрватскиот претседател Зоран Милановиќ изјави дека ќе стави вето на влезот на Финска во Алијансата на самитот на НАТО додека не се решат прашањата за Хрватите во Босна и Херцеговина.
„На самитот на НАТО ќе ставам вето на поканата, доколку е на тоа ниво. Како ѓаволска грешна душа ќе го прогонувам секој пратеник кој ќе биде за“, рече Милановиќ.
На вчерашното одбележување на Денот на Вуковар, тој ја нарече хрватската влада „предавничка“.
„Имаме предавничка влада, ги предава Хрватите во Босна и Херцеговина, а тие луѓе таму бараат многу малку, само основно, држава во која се почитуваат националните права“, рече Милановиќ.
Тој оцени дека се очекува во БиХ да се игнорира фактот дека има Хрвати, Срби и Бошњаци, за да можат Бошњаците да ги надгласаат Хрватите.
МИА/Фото: Фејсбук/Милановиќ