Освен Сашо Мијалков, со обвинителката Лиле Стефанова за случајот „Империја“ се спогоди и некогашниот директор на офшор компанијата „Ексико“, Тодор Мирчевски, информираат од Обвинителството за гонење организиран криминал и корупција.
-Обвинетиот Т.М. со спогодбата признава дека сторил сторил кривично дело – Злосторничко здружување од член 394 став 1 и кривично дело – Перење пари и други приноси од казниво дело – од член 273 став 1 во врска со член 45 од Кривичниот законик.
Делата ги сторил во својство на управител и член на одбори на повеќе правни лица опфатени со постапката, при што примал и пренесувал парични средства по упатства на другите членови на злосторничкото здружување.
За овие кривични дела, Основниот кривичен суд Скопје донесе пресуда врз основа на поднесената предлог-спогодба, со која обвинетиот го осуди на единствена казна затвор во траење од 3 години, информираат од Обвинителството.
ПОВРЗАНИ ВЕСТИ
Цела листа: Што се му се одзема на Сашо Мијалков
Ќе му бидат конфискувани и 25 станови: Мијалков призна вината за „Империја“ и доби три години затвор