Фондот за здравство осигурување (ФЗО) лани имал вкупно 1.841.530 осигурени лица, што е зголемување за 1.993 нови лица, информираа од таму.
Структурата вклучува 558.469 активни работници, 358.716 пензионери и 630.914 членови на семејства.
-Трендот на стареење на осигурената популација е евидентен – пензионерите растат побрзо (+1,5%) отколку активните работници (+0,2%), посочуваат од таму.
Буџетот на ФЗО лани достигнал 51,5 милијарди денари (приближно 836 милиони евра), со годишен пораст од 6,13% во споредба со претходната година.
Приходите изнесуваат 52,08 милијарди денари, додека расходите се 51,49 милијарди денари.
Здравствените услуги апсорбираат 86,4% од вкупните расходи – 44,5 милијарди денари (приближно 723 милиони евра).
-Во петгодишниот период 2021–2025, буџетот на ФЗО нарасна од 35,5 на 51,5 милијарди денари, со просечен годишен раст од речиси 8%.
Во регионален контекст, со 4,95% од БДП или 5,31% со вклучено МЗ, Македонија се наоѓа во средината на листата на јавни здравствени расходи во Југоисточна Европа, велат од таму.
Во април 2025 година, капитациониот бод за матичните лекари е зголемен од 75 на 100 денари – пораст од 33%, кој претставува највисокото зголемување во последната деценија, посочуваат од таму.
-Ова е насочено кон подобрување на одржливоста и задржување на лекарите. Во системот работат 1.495 матични лекари, кои обезбедуваат покриеност од 0,81 лекар на 1.000 осигуреници.
Капитациониот бод за гинеколозите е зголемен на исто ниво (+33%), а за стоматолозите пораснал за 23%. Фондот ги идентификува регионалните нееднаквости – особено во Полошкиот регион каде покриеноста со гинеколози е под националниот просек – и ги насочува напорите кон таргетирано решавање, велат од таму.
Во 2025 година се евидентирани 194.230 болнички случаи, што е зголемување за 2,15% во споредба со 2024 година.
-Просечната должина на хоспитализација изнесува 4,86 дена. Договорите со јавните здравствени установи изнесуваат 32,49 милијарди денари (+10,5%).
Во областа на биомедицински потпомогнато оплодување (БПО) се реализирани 1.051 ваучери. Реформата во оваа област ги проширува правата – до 6 обиди, без потреба од упат и со воведена електронска достава на решенијата.
Реализирани се 251.454 дијализни третмани, 3.620 кардиоваскуларни интервенции, а 290 пациенти добиле лекување во странство, велат од таму.
Во 2025 година се реализирани 27,33 милиони рецепти (+4,53%), со вкупна вредност од 3,6 милијарди денари. Просечниот број рецепти по осигуреник изнесува 14,8 годишно.
