Од Јавното обвинителство вчера информираа дека ја прекинуваат соработката со Антикорупциската комисија, откако од таму обелоденија шема за неуспешната конфискација на имотот на “Трансмет“ на Сеад Кочан за случајот „Труст“ од која според Антикорупциска најмногу ќар имала компанијата „Пуцко петрол“
ПОВРЗАНИ ВЕСТИ
„Пуцко петрол“ најмногу во ќар од неуспешната конфискација на имотот на „Трансмет“
Која е „Пуцко петрол“
Нафтената компанија „Пуцко петрол“ од селото Пласница на јавноста најмногу и е позната по добивањето на бројните државни и општински тендери.
Истата е во сопственост на семејството на поранешниот градоначалникот на Пласница од редовите на ДУИ, Исмаил Јахоски, кој сега е пратеник на владејачката партија.
Јахоски беше градоначалник на Пласница цели 24 години, што е рекорд.
Роден е во март 1963 година, во Пласница, каде и завршил основно училиште, стои во неговата официјална биографија.
Има завршено средно економско училиште.
Работел во земјоделска задруга, а од 1988 година во приватна фирма.
Во 1993 година ја основал фирмата „Пуцко петрол“, која располага со повеќе бензински пумпи и се занимава со промет на нафтени деривати, градежни материјали и други дејности.
Има четири деца, а сега компанијата ја води неговиот син, Асмир Јахоски.
Колку тендери добила компанијата лани?
Неодамна објавениот Извештај од редовниот мониторинг на јавните набавки на Центарот за граѓански комуникации покажа дека „Пуцко петрол“ е во топ три компании кои лани добиле најмногу тендери.
Лани компанијата склучила 413 договори во вредност од околу 50 милиони евра.
„Пуцко петрол“ поседува и 10,87 отсто од обичните акции на ОКТА.
ПОВРЗАНИ ВЕСТИ
Фото: Фејсбук/Јахоски