Вицепремиерот за евроинтеграции Никола Димитров нема да биде дел од новата Влада, предложена од лидерот на СДСМ, Димитар Ковачевски.
На местото на Димитров е предложен Бојан Маричиќ, актуелниот министер за правда.
„Маричиќ, според мене, и според одлуката на Централниот одбор, ги поседува сите професионални и академски квалитети кои што ги има стекнато во процесот на образование во универзитет и надвор од државата, во областа на евроинтеграциите и сметам дека неговата улога и неговата работа во делот на евроинтеграциите ќе биде попродуктивна и поефективна,“ изјави Ковачевски.
На местото на досегашната министерка за одбрана, Радмила Шекеринска предложена е Славјанка Петровска.
На местото на досегашната министерка за труд и социјална политика Јагода Шахпаска, предложена е Јована Тренчовска.
Досегашната министерка за култура Ирена Стефоска ќе ја замени Бисера Костадинова Стојчевска.
Заминува и министерот за здравство, Венко Филипче, на чие место доаѓа кадарот на Алтернатива, Беким Сали.
Министерка нема да биде ни Мила Царовска, а на нејзино место во Министерството за образование и наука доаѓа кадарот на ДУИ, Јетон Шаќири.
ПОВРЗАНИ ВЕСТИ
Фото: Влада