Пазарот на телевизии на државно ниво преку неограничен ресурс го сочинуваат шест телевизии – 24 Вести и Наша ТВ кои емитуваат преку сателит и телевизиите Компани 21-М, Шења, Клан и Сонце кои емитуваат преку јавна електронска комуникациска мрежа.
Заедничките трошоци на овие телевизии лани изнесувале 173,38 милиони денари. Споредено со минатата година, тие се намалиле за 8,69%, стои во Анализата на Агенцијата за аудио и аудиовизуелни услуги.
“Најголем трошок на овие шест телевизии бил трошокот за производство на програма, кој изнесувал 92,52 милиони денари, односно 53,36% од вкупните трошоци. Овој износ го сочинуваат материјалните трошоци, нематеријалните трошоци и платите за вработени, кои се директно поврзани со производство на програмата.
Од овие видови на трошоци, најмногу средства биле потрошени за плати за вработените – 77,57 милиони денари.
За разлика од трошоците за производство на програма, трошокот за набавка на содржини бил многу мал – само 7,92 милиони денари (4,57% од вкупните трошоци), што укажува на тоа дека овие телевизии повеќе вложувале во сопствено производство, отколку во набавка на содржини“, стои во Анализата.
ПОВРЗАНИ ВЕСТИ
ТВ 21 и Шења лани со добивка, Клан, ТВ 24, Сонце и Наша во загуба
Алсат-М лани со најголема добивка, колкава е добивката на Сител, Канал5, Алфа и Телма