Министерот за здравство, Венко Филипче, денеска потврди дека корона вирусот бил присутен кај 79-годишната жена, чие што тело во распаѓање беше пронајдено пред неколку дена во Велес.
Станува збор за случајот со мајката и синот, чии тела речиси во распаѓање беа пронајдени во нивниот стан во Велес, а не се знае колку време биле мртви. Последен пат биле видени околу новогодишните празници.
Оттука Филипче не ја исклучи можноста вирусот да бил присутен многу порано во Македонија.
Тој потсети дека годинава бројот на заболени од грип бил 37.000, што е за 80 проценти повисок од претходните години и најави подоцнежно тестирање на тие заболени.
„Материјалите од грипот ги имаме односно оние кои се анализирана инфлуенца, ќе се анализираат и за корона вирусот, но не сега“, рече Филипче.
ПОВРЗАНИ ВЕСТИ
Мајка и син пронајдени починати во домот во Велес