На Универзитетската клиника за детски болести ситуацијата е стабилна, нема нови позитивни случаи со коронавирусот меѓу персоналот.
Позитивни се лаборант, медицинска сестра и докторка од Одделот за имунологија, а не од Одделот за онкологија, како што кажав на минатата прес-конференција. Претпоставениот контакт е мајка на дете кое требало да се прими за терапија на Хематоонкологија според анкетите на епидемиолозите.
По протоколот од одреден од Комисијата за заразни болести мајката е тестирана, дома е и таа е асимптоматска, истакна на онлајн прес-конференција министерот за здравство, Венко Филипче.
Посочи дека е направен увид на целата Клиника, чистење, степенувани се според ризик и контактите, работата е организирана по тимови и сите одделенија на Клиниката функционираат најнормално.
– Суспектните пациенти се упатуваат во болницата во Козле и ако треба да влезат на Клиниката за детски болести има посебен дел и соодветен пристап. Темелно се хоспитализираат и пациенти со малигни болести и хронични болни и пациенти со системски болести, како и новороденчиња, додаде Филипче.
Во врска со Истражниот затвор во Шутка, тој рече дека завршени се сите анализи. Таму сите околу 50 земени тестови се негативни и институцијата работи непречено.
– Во Домот за геријатрија во Ѓорче Петров исто така се земени сите брисеви и тоа на тројца штитеници кои се таму, и на 13 вработени се негативни. Работата е реорганизирана е според распоредот и таа институција функционира нормално, истакна Филипче.
Во врска со Центарот за јавно здравје (ЦЈЗ) во Велес, посочи дека еден од тамошните вработени е во самоизолација, но сите одделенија работат нормално.
МИА
ПОВРЗАНИ ВЕСТИ
Премиерот Спасовски треба да направи тест за Ковид-19 неделава, смета Филипче
15 вработени од маркетот во Велес, каде што имаше позитивен од корона вирусот, одат во самоизолација
Смртта на мајката и синот од Велес чии тела беа најдени во распаѓање, настапила во март