Милчо Велјаноски е правник по професија, а на пошироката јавност и е познат по неговите сатирични фотомонтажи на Фејсбук.
Потврда на тоа е, пародијата која ја објави по повод ковид-протоколот за организација на свадби.
-Свекрвата задолжително да биде на дистанца од снаата 100 метри.
-Забрането е инсајдерско прибирање информации кој сват од која страна е.
-Забрането e оговорање за фризурите.
-Забрането е младоженците да бидат подложени на анализа од страна на роднините од спротивниот табор.
-Горењето на ќесето од кумот да се одвива според посебен протокол.
-Зборовите од типот „Свадба е голема“ се заменуваат со зборовите „Свадба е протоколарна“ а зборовите „Две музики свират чалгии“, со зборовите „По два протоколи свират чалгии“ итн.
-Забрането е присилно викање на оро со зборовите „Стани играј, срамота е“.
-Забрането е нагло забрзаување на орото и изненадувачка промена на тактот.
-Забрането е групирање и тегнење при фрлање на бидермаерот. Невестата е должна бидермаерот да го фрли од 1.000 метри далечина.
-Забрането е на неженетите и на немажените да им се кажува „Ај па на твоја глава“.
ПОВРЗАНИ ВЕСТИ