еМагазин
Image default
Бизнис

Пријавете се: М-НАВ регрутира нова генерација контролори на летање

Македонска Навигација (М-НАВ) ги повикува сите заинтересирани полнолетни лица на возраст до 25 години да се пријават за една од најценетите, но и најодговорни професии – контролор на летање.

Со порастот на бројот на летови и прелети на нашето небо, се зголемува и потребата од нови кадри во одделот којшто е најдиректно одговорен за безбедноста и контролата на воздушниот сообраќај во Македонија. За таа цел, во тек е процесот на регрутација и селекција на кандидати за обука за контролори за летање.

Покрај старосната граница до 25 години (да не наполниле 26 години), кандидатите треба да имаат завршено средно образование и да имаат потврда за знаење на Англиски јазик најмалку на ниво на Б2.

Освен навремената и комплетна апликација, еден од најважните услови е полагањето на FEAST тестот на ЕУРОКОНТРОЛ (www.feast.info) за проверка на специфичните способности и вештини неопходни за оваа професија. Доколку го поминат овој тест, успешните кандидати можат да продолжат во натамошните фази на изборот, сè до склучувањето на договорот за обука и финална селекција за оваа професија. Деталите за условите и  огласот можете да ги видите ТУКА, а рокот за поднесување на документите е 12.09.2018 г.

Специфичните вештини и предиспозиции за оваа професија, кандидатите може да ги откријат и преку  онлајн игрите на www.nats.aero/careers/trainee-air-traffic-controllers/games/, додека за проверка на знаењето на англискиот јазик, кој е воедно и официјалниот јазик за комуникација во авиосообраќајот, тука е бесплатниот прелиминарен е-тест преку линкот www.cambridgeenglish.org/test-your-english/.

Успешните кандидати во сите фази на предселекцијата (т.е. по положување на FEAST тестот, здравствениот преглед и интервјуто со изборната комисија) се упатуваат на обука за контролори за летање, по чие успешно завршување, стануваат дел од М-НАВ како контролори на летање.

За повеќе информации посетете ја страницата mnavigation.mk.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Македонија и Црна Гора заеднички ќе аплицираат за влез во Пејпал системот

Редакција

Македонски Телеком лани со зголемена добивка и приходи

Редакција

Осигурениците во првите три месеци вложиле над 40 милиони евра, осигурителниот пазар порасна за 10%

Редакција