Расте бројот на новозаразени со Ковид-19 во Дебар, каде во последното деноноќие се регистрирани нови шест случаи, со што бројката на заразени само во изминатите осум дена од овој месец се искачи на 21 лице.
Од почетокот на пандемијата, на крајот од месец февруари, досега, во Дебар, заедно со општина Центар Жупа, кои со својата активност ги покрива Работната единица на Центарот за јавно здравје, регистрани се 216 заразени со вирусот.
Од вкупната бројка, пак, во првата фаза се 51, додека остантите 165 се од втората фаза, односно од петти јуни, кога болеста повторно се врати на ова подрачје.
Битката со вирусот ја добиле 84 лица, починаа седум, четири лица од Дебар и три од Центар Жупа, додека активни на болеста се 125 лица, од кои десеттина се хоспитализирани во здравствени установи во Скопје.
„Како што и предупредивме ете новозаразени имаме речиси секојдневно, зашто и понатаму целосно не се почитуваат препораките за заштита. Апелот и понатаму останува за строго почитување на препораките.
Не бараме многу од граѓаните и деловните субјекти, само поголема будност и строго почитување на мерките и протоколите, со што се заштитуваат себеси, најблиските, соседите, пријателите“, порачуваат од општинскиот Оперативен штаб.
Според статистичките податоци на дебарското одделение за внатрешни работи, пак, во изминатото деноноќие на пет лица им се издадени прекршочни платни налози за неносење заштитна маска.
МИА/Фото: Општина Дебар
ПОВРЗАНИ ВЕСТИ
Детален преглед: Колку заразени од корона вирусот има во македонските болници?
Регистрирани само 15 оздравени пациенти кои боледувале од корона вирусот
Починаа уште четири лица од корона вирусот, двајца надвор од болница
Нови 200 случаи на заразени од корона вирусот, најмногу во Скопје