Телевизијата Канал 5 објави дека родинина на бугарскиот Цар Борис Трети дал согласност под негово име да се основа здружението во Охрид.
Од Централниот регистар за телевизијата велат дека здружението е впишано лани во ноември во согласност со Законот за здруженија и фондации:
„Согласност од Министерство за правда не е доставено како прилог кон пријавата за упис, од причина што подносителот на истата доставил прилог доказ согласно член 49 став 2 од Законот за трговски друштва , а во врска со 8 од Законот за здруженија и фондации, имено доставил согласност од сродник за внесување на името Цар Борис III во името на Здружението“.
Од Централен регистар објасуваат дека за прашањата поврзани со името на здружението се применуваат одредбите од Законот за трговски друштва, според кои може да се внесе име и презиме на историска и друга позната личност само со согласност на личноста, или, ако е почината, со согласност на нејзините сродници до трет степен во права линија, а доколку такви не постојат, согласност дава Министерството за правда.
ПОВРЗАНИ ВЕСТИ
По Ванчо Михајлов и Цар Борис Трети, во Богданци бугарски клуб ќе добие и Цар Фердинанд