Новата варијанта на коронавирусот XББ.1.5 или „кракен“ се шири многу брзо. Според експертите, како што пренесуваат светските медиуми, тоа е така најверојатно затоа што има некои големи предности во однос на тековно доминантните соеви на омикрон.
Од Светската здравствена организација пред неколку дена посочија дека здравствената агенција е загрижена за брзината, со која оваа подваријанта ги заменува другите варијанти.
Сè уште не е познато дали може да предизвика потешка инфекција.
Забрзаното темпо на ширење е веројатно последица на можноста на подваријантата да ја избегне заштитата на имунолошкиот систем обезбеден од претходни инфекции или вакцинирање. Исто така, има мутација на својот шилест протеин – дел од вирусот што се врзува за клетките на домаќинот – што може да обезбеди одредена предност, посочија од Европскиот центар за превенција и контрола на болести (ЕЦДЦ) во својата проценка.
Во Европа оваа варијанта е потврдена во Данска, Франција, Австрија, Холандија, Германија, Италија, Шпанија, Шведска, Исланд, Белгија, Чешка, Португалија и Ирска, а агресивно се шири и во САД.
ПОВРЗАНИ ВЕСТИ
Нов сој на Ковид-19, најзаразен досега, молскавично се шири низ светот