32-годишник синоќа бил погоден од залутан куршум во скопски Аеродром на локација кај Тобако, информира Министерството за внатрешни работи.
Тој разговарал со вработениот во Тобако, слушнал пукање и почувствувал болка во телото. Потоа била повикана Итна медицинска помош, при што повредениот бил транспортиран во болница.
-М.Т.(39) од Скопје пријавил дека пред локацијата „Тобако“ на подрачјето на населбата Аеродром каде работел, додека бил со Т.Ј.(32) од Скопје, слушнале неколку истрели од огнено оружје, при што Т.Ј. се пожалил на болка.
Од страна на лекар од Итната медицинска помош кај него е констатирана повреда, по што бил пренесен во Градската општа болница ‘Св. Наум Охридски’ за укажување на лекарска помош.
Извршен бил увид од увидна екипа од СВР Скопје и се работи на расчистување на случајот“, информира МВР.