Министерот за здравство Венко Филипче информираше дека состојбата со Ковид-19 е стабилна и постепено се намалува бројот на прием на пациенти.
„На редовниот состанок со директорите на клиниките и ковид центрите направивме евалуација на состојбата во однос на хоспитализациите за време на викендот се до денес. Состојбата е стабилна и постепено се намалува бројот на прием на пациенти.
Се надеваме дека и натаму мерките ќе даваат резултат со оглед на тоа што и бројот на новодијагностицирани се намалува, во очекување сме ситуацијата да продолжи да се стабилизира,“ напиша Филипче на неговиот Фејсбук-профил.
Денеска се очекува Комисијата да препорача дали ќе има укинување или ублажување на дел од рестриктивните мерки.
Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.