Вкупните приходи на Тиквеш АД Кавадарци во првите девет месеци од годинава забележаа зголемување за 45% во однос на истиот период од минатата година, а трошоците на продадени производи зголемување за 52%, при што се оствари бруто добивка во износ од 642,8 милиони денари, информираат од винарската визба преку Македонската берза.
-Останатите трошоци исто така бележат зголемување, административните за 36%, трошоците за продажба и маркетинг за 34%, останатите оперативни расходи за 47% и финансисите за 3%, што резултира со оперативната добивка во износ од 92,8 милиони денари и нето добивката пред оданочување во износ од 79,7 милиони денари, што претставува зголемување за 5% во однос на истиот период од минатата година.
Заклучно со третиот квартал од 2022 година се остварија вложувања во материјални средства од 73,8 милиони денари, велат од таму.
ПОВРЗАНИ ВЕСТИ
Драган Тилев и Зоран Јовановски, нови членови на Управниот одбор на Тиквеш
Тиквеш со добивка во првите шест месеци