Две лица се убиени во пукање во ноќен клуб во норвешкиот главен град Осло, соопшти денеска полицијата.
Полицијата на Твитер објави дека уште неколку лица се повредени, а еден осомничен е приведен набрзо по пукањето во близина на местото на настанот.
– Сите индиции укажуваат на осамен сторител, изјави полицискиот портпарол Торе Барстад. Три лица се тешко повредени, а на 19 им била укажана лекарска помош.
Нападот се случил во ноќниот клуб Лондон паб, популарен геј клуб во Осло, објави весникот Афтенпостен.
Цивили ѝ помогнале на полицијата да го уапси осомничениот, пишува весникот.
Норвешката полиција, овој чин го третира како терористички напад.
МИА/Видео: 24/7ТВ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.