На денешната седница, Владата, на предлог на Министерството за надворешни работи ја разгледа и усвои Информацијата за номинирање на кандидатка, Мирјана Лазарова Трајковска, за судијка во Меѓународниот кривичен суд во Хаг.
Во текот на јануари, од Меѓународниот кривичен суд со седиште во Хаг, според информацијата од МНР, е доставен повик за номинирање судии до Македонија.
Земјава е дел од Источно-европската група од којашто ќе се изберат двајца судии за Меѓународниот кривичен суд, на 22-та сесија на Собранието на земјите членки, што ќе се одржи од 4 – 14 декември 2023 година во Њујорк.
Мирјана Лазарова Трајковска е досегашна судијка во Врховниот суд (која во моментов работи на области во Одделот за казниви дела, таа е претседателка на Одделот за судење во разумен рок и Одделот за судска практика), е поранешна судијка во Европскиот суд за човековите права во Стразбур и во Уставниот суд на Македонија.
Кандидатурата на Лазарова Трајковска е поддржана од претседателот, од МНР и од Судскиот совет.
Фото: МИА