Владиниот авион стана топ тема во јавноста и на социјалните мрежи откако беа објавени информации за тоа кој колку од функционерите го користи и за што, и најавата дека се планира да се купи нов.
Последната година него најмногу го користела претседателката Гордана Сиљановска Давкова, која смета дека треба да се купи нов, побезбеден и со поголем капацитет.
ПОВРЗАНИ ВЕСТИ
Колку е стар и од каде е купен
Станува збор за авион од типот „лирџет 60“, кој е произведен во 2004 година во Вичита, Канзас, САД.
Произведен е од „Бомбардиер аероспејс“.
Во сообраќај е од јануари 2005 година.
Купен е во времето на владата на поранешниот премиер Владо Бучковски, откако претходниот владин авион од типот „кинг-ер“ падна кај Мостар, Босна и Херцеговина, а во несреќата загинаа тогашниот претседателот Борис Трајковски и членови на државната делегација.
Кои му се перформансите
Според перформансите, станува збор за бизнис авион со долет на средни линии.
Од Скопје или Охрид може да лета низ Европа и до Блискиот Исток, но не и на прекуокеански летови.
Има долет до 4.500 километри.
Може да развие поголеми брзини од редовните авио-превозници.
Капацитет
Има седум седишта.
Екипажот кој го управува се состои од двајца пилоти.
ПОВРЗАНИ ВЕСТИ
Најмногу со владиниот авион летала Сиљановска Давкова, а од министрите Николоски
Семејството на Мицкоски никогаш не патувало со владиниот авион, тврдат од Владата
Мицкоски четири пати го користел владиниот авион, детално објасни каде летал и зошто
Фото: Игор Бансколиев
