Лидерот на владејачката партија, Демократска Бугарија, Христо Иванов за Нова ТВ, вели дека францускиот предлог е исклучително добар за Бугарија, а Слави Трифонов се обидува да ја искористи темата за да обезбеди алиби за некои негови внатрешно-политички дејствија.
„Ова е во најмала рака неодговорен начин. Конечно го добивме резултатот од напорите за посредување на Франција. Го прочитав предлогот многу внимателно. Разговарав и со многу авторитетни дипломати од различни политички сили.
Општо мислење е дека ова е многу добра работа. Сакам сите да ме слушнат – ова е исклучително добар предлог за Бугарија, кој сме подготвени да го фрлиме во ѓубре, бидејќи во моментов сме во домашен скандал“, вели Иванов.
Иванов посочи дека според предлогот, Скопје веќе треба да се заложи пред ЕУ да го промени својот устав и да ги регистрира Бугарите како еден од народите кои градат држава.
„Ако С.Македонија не го направи ова – нема да има преговори за ЕУ, нема да го укинеме ветото“, вели Иванов.
„Франција е посветена да ни помогне и кога велам дека предлогот е добар за Бугарија, го кажувам затоа што и самата министерка за надворешни работи во оставка Теодора Генчовска го потврди на расправата во Народното собрание“, рече Иванов.
Според Иванов, неговата партија ќе го поддржи францускиот предлог за Македонија доколку влезе на расправа во пленарната сала на Собранието.
ПОВРЗАНИ ВЕСТИ
Фото: Влада