Американскиот претседател во заминување, Џо Бајден, си го помилува синот Хантер Бајден, кој чекаше казна за нелегално поседување оружје и затајување на данок.
Во помилувањето, како што пренесуваат американските медиуми, се наведува дека Бајден му дал целосно и безусловно помилување на Хантер Бајден за какви било прекршоци помеѓу 1 јануари 2014 година и 1. декември оваа година.
Синот на Бајден во септември се изјасни за виновен за затајување на данок, со што избегна судење.
Хантер Бајден година е исто така веќе осуден за лажење дека поради неговата зависност од дроги, нелегално купил оружје.
Одлуката на Џо Бајден предизвика лавини од реакции, а се огласи и неговиот син.
„Признав и презедов одговорност за моите грешки во најмрачните денови на зависноста, грешки што се искористени за јавно понижување и на мене и на моето семејство поради политиката.
И покрај се, трезен сум повеќе од пет години поради својата длабока вера и непоколеблива љубов и поддршка на моето семејство и пријателите.
Помилувањето никогаш нема да го земам здраво за готово и ќе го посветам животот што повторно го изградив на помагање на оние кои сè уште се болни и страдаат“, изјави Хантер Бајден.
Фото: Бајден/Фејсбук