Пожарот што ја зафати планината Серта, изгоре 8.500 хектари и тоа од страната кон Неготино опожарени се над 5.500 хектари, а од штипската страна 3.000 хектари.
„Пред се се работи за шума која е со слаб квалитет, слаба дабова шума, меѓутоа она што е најважно да се каже е дека, тоа за регионот и пошироко ќе значи еколошка бомба. Тоа е она што мора да го имаме предвид ние и сите општествени чинители во Македонија,“ изјави Кире Михаилов, заменик генерален директор на Македонски шуми.
Вработените на ова јавно претпријатие вршат скенирање на теренот, по што ќе следува чистење и на крај пошумување.
„Овој пожар и неговата големина и константност ја уништи буквално целата микро флора. Микро организмите се уништени таму. Флората, фауната се комплет е отидено, животинскиот свет. Тоа е еден синџир кој се скина по сите шевови. Таа е реалноста.
Ние треба сега да направиме една поопсежна анализа за да даде насоки каде да се движиме во периодот кој што претстои,“ додаде Михаилов.
ПОВРЗАНИ ВЕСТИ
По 13 дена борба, пожарот на планината Серта е целосно изгаснат
Фото: ЦУК