На Универзитетската клиника за пулмологија и алергологија во Скопје денеска се отвори нов дијагностички центар.
Центарот е опремен со нова медицинска опрема во вредност од 16 милиони денари, средства обезбедени од Министерството за здравство.
Опремата се состои од столб со бронхоскоп со соодветен монитор, процесор и извор на светло, како и ЕБУС (ендобронхијален ултразвук со бронхоскоп).
Значајно е што со отворањето на овој центар двојно ќе се зголеми бројот на бронхоскопии и ЕХО прегледи кои ќе се вршат на оваа Клиника.
ЕБУС апаратот овозможува да се дијагностицираат метастатски лимфни јазли.
Новиот дијагностички центар е опремен и со дигитален РТГ апарат и апарат за компјутерска томографија.
За адаптација на овој простор се извршени реконструктивни зафати во вредност од 10 милиони денари.
Фото: МЗ