Министерството за надворешни работи на Косово соопшти дека Советот на Основниот кривичен суд во Скопје одлучил да не го екстрадира косовскиот државјанин Блерим Рамадани, кој минатиот месец беше уапсен на косовско-македонската граница врз основа на потерница од Интерпол издадена на барање од Србија.
Во денешното соопштение на Министерството се вели дека поранешниот припадник на Ослободителната војска на Косово (ОВК), Рамадани ќе остане во домашен притвор во Скопје до правосилната пресуда на Врховниот суд на Македонија.
„Министерството за надворешни работи и дијаспора на Република Косово ја информира јавноста дека Советот на Основниот кривичен суд Скопје одлучи да не го екстрадира нашиот државјанин, Блерим Рамадани.
Потсетуваме дека на 17.07.2024 година на граничниот премин Јажинце/Глобочица… Рамадани, поранешен припадник на ОВК, беше уапсен врз основа на налогот за апсење на Србија кој беше издаден од Интерпол.
Рамадани ќе го продолжи престојот во домашен притвор во Скопје до правосилната пресуда (по службена должност) на Врховниот суд на Република Северна Македонија“, се вели во соопштението.
ПОВРЗАНИ ВЕСТИ
Поранешниот припадник на ОВК, Рамадани, кој беше уапсен во Македонија во домашен притвор
Детали од МВР за апсењето на Рамадани, поранешниот припадник на ОВК
Фото: Unsplash