Од Центарот за управување со кризи (ЦУК) информираа дека денеска во Македонија има вкупно 15 пожари на отворен простор, од кои активни се осум, под контрола е еден, а изгаснати се шест.
Активни се пожарите во Општина Чашка на планината Мукос, кај село Степанци, м.в.Кадиица, селото Оморани и селото Ораов Дол, каде гори мешана шума, во Општина Прилеп кај селото Пештани, селото Кокре и селото Кален, каде гори нискостеблеста вегетација.
Активни се и пожарите во Општина Штип, кај селото Хаџи Хамзали, селото Едеклерци, селото Топлик, селото Драгоево и полигонот Криволак, каде гори нискостеблеста шума, смреки и сува трева, како и во Општина Чучер-Сандево, кај селото Танушевци, м.в.Рамно, каде гори мешана шума.
Активни пожари има и во Општина Прилеп, кај селото Радобил, каде гори шума, во Општина Теарце, кај селото Глоѓи, каде гори ѓубриште, кај селото Теарце, каде гори стрниште и во Општина Сопиште, кај селото Јаболци, м.в.Краста, каде гори камион и ниска вегетација.
Под контрола е пожарот во Општина Долнени, на планината Мукос, кај селата Десово и Дреновци, каде гори мешана нискостеблеста шума и сува трева.
Фото: ЦУК