Боре Видевски, еден од осомничените за убиствата и киднапирањето на 14-годишната Вања Ѓорчевска од Скопје и 74-годишниот Панче Жежовски од Велес, останува во притвор.
Од Врховниот суд информираа дека неговата жалба со која бараше да оди во домашен притвор, е неоснована.
„Врховниот суд на Република Северна Македонија, ја известува јавноста дека по одржаната јавна седница на ден 29.05.2024 година по повод жалбата од обвинетиот Б.В. во предметот познат во јавноста како „Убиството на Вања Ѓорчевска“, изјавена преку неговиот бранител Бојан Манев, против решението на Апелациониот суд Скопје КСЖ- 417/24 од 30.04.2024 година, Советот за казниви дела донесе решение ВКЖ1-23/24 од 29.05.2024 година, со кое жалбата е одбиена како неоснована и обжаленото решение во целост е потврдено“, велат од Судот.
Видевски е еден од петтемината осомничени. Тројца од нив се товарат за соизвршителство во две грабнувања и две убиства на свиреп начин, еден за помагање при грабнување малолетно лице и еден за помагање по извршено кривично дело.
ПОВРЗАНИ ВЕСТИ
Палевски останува уште 30 дена во притвор
Во куферот на Палевски со кој влезе во Шутка имало евра, лири и телевизор
До каде е истрагата за Палевски?