Денеска во Неготино се одржа протест под мотото „Стоп за сообраќајното насилство“ за прерано загинатата Фросина Кулакова, но и за сите други жртви во сообраќајот.
На истиот присуствуваше нејзиното семејство, другарки, но и граѓани од целата држава.
На протестот каков што немало во Неготино, се обрати и сестрата на Кулакова, Росица Кулакова.
ПОВРЗАНИ ВЕСТИ
Васил Јованов, кој ја усмрти Фросина, доби 3 години и 10 месеци затвор за претходното дело
-Доколку судијката му го продолжила притворот (на Васил Јованов, н.з.) се до правосилност на одлуката, а по вчерашната одлука на Апелација, тој само ќе беше спроведен во затвор – мојата сестра Фросина денес ќе беше жива.
Затоа бараме одговорност и од судијката Даниела Алексовска Стојановска, рече таа меѓудругото.
Учесниците на протестот изразија револт против неказнивоста на ваквите дела во сообраќајот, но и ја потенцираа корумпираноста во судството.
На протестот, дојдоа и блиски на загинатите во сообраќајки: Михаела Стевановска, Слободан Ангеловски, Ивица Цековски, Мите Танов…, кои побараа ревизија на сите сомнителни судски случаи.
ПОВРЗАНИ ВЕСТИ
9 дена не изразија сочувство, ниту не исконтактираа, вели таткото на Фросина за родителите на Васил
Колку пат Васил ја украл колата на родителите и дали го пријавиле, прашува сестрата на Фросина
Видео: Фејсбук/Вет шоп/gevgelizam.mk