Градоначалникот на Тирана, Ерион Велиај е уапсен за корупција и изречена му е мерка затворски притвор. На неговата сопруга Ајола Џоџа, во отсуство и е одреден куќен притвор. Таа се наоѓа во Рим, пренесуваат албанските медиуми.
Специјалното обвинителство против организиран криминал и корупција, (СПАК) водеше истраги поврзани со повеќе обвиненија, како злоупотреба на службената положба, активна корупција, пасивна корупција, непријавување имот и перење пари.
На 6. декември, по налог на Специјалниот суд беше извршен претрес во домот на Велиај, во неговите службени канцеларии, како и работните простории на неговата сопруга, на која и беше земен и мобилниот телефон.
Специјалниот суд определи мерка редовно јавување во судот за пет бизнисмени кои добивале сомнителни тендери од Општина Тирана. Истрага е почната и против пратеничката К.Б. за дела кои го спречуваат дознавањето на вистината, се наведува во соопштението на СПАК.
Со одлука на судот на сите лица опфатени во ова досие привремено им е конфискуван недвижен имот, вили, станови, а на сопругата на Велиај, Џоџа и граѓанска организација преку која и биле префрлувани пари, блокирани се средства од околу 900.000 евра во две банки.
Фото: Фејсбук/Велиај