Витаминка АД Прилеп во првиот квартал од годинава остварила единечни вкупни приходи од 824,607 илјади денари и во споредба со остварените за истиот период во 2023 година истите бележат незначителен пад од 0,02%, соопшти Друштвото преку Македонската берза.
-Во структурата на вкупните приходи најголемо учество, 99%, имаат приходите остварени од продажба на производи и услуги од основна дејност, кои во споредба со остварените во 2023 година се помали за 0,02%.
Остварените единечни вкупни расходи во првото тромесечје од 2024 година изнесуваат 794,259 илјади денари и во споредба со остварените за истиот период во 2023 година бележат намалување од 2%. Висината на вкупните расходи е во корелација со работењето во првото тромесечје од 2024 година.
Во извештајниот период е остварена добивка по оданочување во висина од 12,150 илјади денари, која во споредба со добивката за истиот период од минатата година е намалена за 117%.
Трендот на вкупниот приход на друштвото не е лош, но сепак неблагодарно е да се предвидува во услови на макроекономска нестабилност. Воениот конфликт во Украина, умерената инфлација и геополитичката состојба и понатаму е непозната. Оперативниот тим на Друштвото води посебна грижа за готовинскиот тек, велат од таму.
ПОВРЗАНИ ВЕСТИ
Кои се најголеми акционери во Витаминка
Витаминка лани со зголемена добивка